Витамини за очи

Видот е едно од најважните сетила. Нашите очи бараат внимание и грижа. Витамините неопходни за здравјето се пред се: витамин А, витамин Б, витамин Ц и витамин Е.

Витаминот А/бета-каротен, кој меѓу другото го има во морковот, е клучен за видот. Во отсуство на витамин А, телото не може да произведе доволно пигмент родопсин, што може да доведе до ноќно слепило. Витамините Б штитат од болести и ја намалуваат можноста за макуларна дегенерација („жолта дамка“, макула лутеа). Витаминот Ц, благодарение на неговото антиоксидантно дејство, штити од слободните радикали, предизвикани, на пример, од УВ зраците од сонцето, кои ги оштетуваат клетките. Витаминот Е го зајакнува имунолошкиот систем и исто така штити од слободните радикали.

Здравата исхрана е главната основа за здравјето на телото и очите. Одредени намирници и додатоци во исхраната можат само да придонесат за здравјето на нашите очи.