Витаминот Е во телото е најзастапен во клеточните мембрани и неговото основно дејство е антиоксидативно, што значи против слободните радикали (штетни нуспроизводи на метаболизмот). Тој е и главниот антиоксиданс растворлив во масти. Секундарната улога на витаминот Е е да ги намали воспалителните нарушувања (алергии), како и симптомите на ПМС. Освен тоа, го штити и ЛДЛ (лошиот) холестерол од оксидација, го одржува здравјето на црвените крвни зрнца, крвните садови, нервите и мускулите и го штити организмот од труење (тешки метали) и слично.