Коензимот Q10 или убикинон е супстанца слична на витамин која се наоѓа во сите делови на телото. Неговото дејство е слично на она на витаминот Е, со тоа што е уште посилен антиоксиданс од витаминот Е. CoQ10 игра клучна улога во производството на енергија во секоја клетка во нашето тело. Покрај тоа, помага во циркулацијата, го стимулира имунолошкиот систем, ја зголемува оксигенацијата на ткивата и има значително дејство против стареење. Често е составен дел на козметичките препарати, особено оние наменети за нега на кожата.