Витамините (и минералите) се суштински дел од правилната и урамнотежена исхрана за секој човек (маж, жена, стар или млад) и играат исклучително важна улога во метаболизмот и размената на материи во организмот. Тие сами по себе не се извор на енергија и немаат енергетска вредност, па никого не можат да здебелат. Едноставно ги регулираат процесите, правилно ја разградуваат храната (протеини, јаглени хидрати, масти) и овозможуваат производство на нови протеини, шеќери и масти неопходни за работата и животот на организмот, обновување на ткивата итн. Без доволно количество витамини во организмот, се јавуваат бројни нарушувања кои можат да предизвикаат многу сериозни болести.