Антиоксиданси

Антиоксидансите или „чистачите“ на слободните радикали во телото се супстанции или хранливи материи од храната кои го спречуваат и забавуваат оштетувањето на телото предизвикано од оксидативно дејство. Клетките во нашето тело користат кислород, а притоа се создаваат слободни радикали (нестабилни молекули на кислород) кои можат да ги оштетат здравите клетки до степен до кој ја уништуваат клеточната мембрана и нејзината генетска структура. Тоа резултира со предвремено стареење на телото и појава на здравствени проблеми. Затоа, задачата на антиоксидансите е да го заштитат телото од слободните радикали, без разлика дали тие се произведени од нашето тело како нуспроизвод, дали се создадени од дејството на разни хемикалии и токсини од храната или воздухот.