Колаген

Колагенот е комплексен протеин кој се состои од специфични амино киселини. Тој е најзастапениот протеин во човечкото тело и е главната протеинска компонента на кожата, сврзното, тетивното и рскавичното ткибо, а исто така е и меѓу главните компоненти во коскеното ткиво.

Кои се придобивките од колагенот?

Колагенот е исклучително важен за целокупното здравје на кожата, бидејќи ја подобрува текстурата и изгледот на кожата (ги намалува брчките, фините линии, видливоста на лузните), обезбедува хидратација на кожата, како и еластичност (ја намалува можноста за појава на стрии) . Понатаму, како што старееме, нивото на колаген се намалува, што придонесува за опаѓање и губење на косата, а кај некои луѓе води и до екстремно слаби, кршливи нокти, кои често се раздвојуваат. Преку различни студии, колагенот покажа значителен напредок во подобрувањето на дигестивното здравје кај група луѓе со воспалени или оштетени црева. Колагенот има исклучително добро влијание врз здравјето на зглобовите, па може да биде корисен за оние кои боледуваат од артритис, каде што многу поволно делува на некои од непријатните симптоми (намалување на отоци, намалена болка, зголемена подвижност.. .). Дегенеративните промени на 'рбетот и повеќето зглобови, се почесто и во се порана возраст, без разлика дали поради начинот на живот, исхрана или генетика, предизвикуваат разни тегоби и со тоа ја намалуваат способноста за работа. Токму за таа цел се користи додаток во исхрана на база на хидролизиран колаген, кој ни помага да ги обновиме истрошените и оштетените зглобови, побрзо зараснување после траума или за време на опоравувањето од операции.