ЦИНК

Цинкот е минерал кој учествува во илјадници телесни функции и е единствениот метал кој се појавува во сите видови ензими. Цинкот е есенцијален минерал, што значи дека телото не може само да го синтетизира, туку мора да го внесе преку исхраната, а долготрајниот недостаток на цинк предизвикува сериозни нарушувања, како што се ретардација на растот, одложена сексуална зрелост, болести на простатата и развој на атеросклероза. Од сите минерали, цинкот се покажа како најважен за зачувување на имунитетот бидејќи е вклучен во речиси сите видови имунитет. Кога вредностите на цинкот се ниски, бројот на Т-клетките се намалува, вредностите на тимулинот (тимусот хормон) и повеќето бели крвни зрнца се намалуваат. Цинкот е неопходен за формирање на телесните клетки, па затоа е особено важен за растот и развојот на детето за време на бременоста и подоцна во детството и адолесценцијата. За мажите е важен за здравјето на простатата и плодноста (најголемата концентрација на цинк во организмот е токму во машките генитални органи), а кај жените може да ги олесни (пред)менструалните тегоби.